Inxhinieret e EU4Culture ndajnë historitë e tyre për të frymëzuar udhëheqëset e ardhshme të Shqipërisë

Në Ditën Ndërkombëtare të Grave, ne jemi krenarë të nderojmë dhe festojmë arritjet novatore të shumë grave të shquara inxhiniere që po ndryshojnë në mënyrë thelbësore jetën e njerëzve në mbarë botën si dhe në Shqipëri. Ndihemi të privilegjuar të punojmë me gra profesioniste në STEM (Shkencë, Teknologji, Inxhinieri dhe Matematikë) të cilat janë lidere në fushën e tyre, të pasionuara për barazinë gjinore dhe të përkushtuara për të frymëzuar gjeneratën e ardhshme të grave udhëheqëse.

Sot, dy nga inxhinieret tona vizituan shkollat e mesme në vend për të ndarë historitë e tyre dhe për të demonstruar se si programi EU4Culture, fiancuar nga BE dhe zbatuar nga UNOPS në bashkëpunim me Ministrinë e Kulturës, promovon barazinë gjinore përmes inovacionit dhe teknologjisë. Ishte frymëzuese të shihje entuziazmin e studentëve kur mësuan se 70% e inxhinierëve tanë janë gra, 7 nga 11 OJQ-të përfituese të granteve tona drejtohen nga gra dhe prokurimi për tendera në infrastrukturë përfshin kritere të integrimit gjinor.

Duke parë nga e ardhmja, ne kemi besim se këto gra do të kenë një ndikim të qëndrueshëm dhe do të vazhdojnë të jenë model për gjeneratën e ardhshme të grave inxhiniere, përcaktuesve të trendeve dhe lidereve të opinionit. Me vendosmërinë dhe përkushtimin e tyre, ato po i hapin rrugën një shoqërie më të barabartë dhe gjithëpërfshirëse.