Hamami i Durrësit i nënshtrohet restaurimit falë programit EU4Culture
![](https://eu4culture.al/wp-content/uploads/2023/08/336370662_198357989637835_5473032655451315407_n.png)
14 Prill 2023
Për shekuj me radhë, Hamamet kanë qenë pjesë përbërëse e peisazhit urban të shumë qyteteve shqiptare gjatë sundimit osman. Hamami i Durrësit, i ndodhur pranë Torrës Veneciane, është pjesë e një grupi monumentesh me rëndësi arkeologjike dhe kulturore përgjatë rrugës historike Egnatia. E ndërtuar në shekullin II para Krishtit, rruga Egnatia ishte pjesë integrale e rrugës tregtare të Perandorisë Romake, që lidhte qytetin antik të Dyrrahut (Durrësi i sotëm) me Kostandinopojën (Stambolli i sotëm).
![](https://eu4culture.al/wp-content/uploads/2023/08/341088074_892300671871173_4998170475121179675_n.jpg)
![](https://eu4culture.al/wp-content/uploads/2023/08/336360589_1275784339986135_2169396428269065593_n.jpg)
![](https://eu4culture.al/wp-content/uploads/2023/08/336368644_544373707778973_5550997237074195537_n.jpg)
![](https://eu4culture.al/wp-content/uploads/2023/08/336375507_181995517996982_6769302098664934523_n.png)
Pavarësisht interesit të turistëve për ta vizituar, Hamami i Durrësit, monument kulture i kategorisë së parë, ka qëndruar i mbyllur për një kohë të gjatë. Fatmirësisht, ai do të hapet së shpejti për publikun pasi të kenë përfunduar planet e restaurimit dhe rindërtimit, të cilat synojnë ruajtjen e tipareve origjinale.